Nëse në Itali dhe në shumicën e vendeve europiane futbolli ka rifilluar, e njëjta gjë nuk mund të thuhet për Hollandën. Federata e Futbollit të këtij vendi zgjodhi ndërprerjen përfundimtare të “Eredivisie”. Edicioni tjetër duhet të fillojë më 11 shtator, me një ndryshim të mirëpritur. Sipas asaj që raporton “De Telegraaf”, në fakt, tifozët mund të takohen përsëri në stadiume. Sidoqoftë, mund ta bëjnë këtë vetëm në kushte të caktuara.
Distanca midis një personi dhe tjetrit duhet të jetë 1 metër e gjysmë (kjo do të thotë që shkallët mund të mbushen në 30% të kapacitetit); nuk do të lejohen këngë dhe kore për të kufizuar mundësinë e infektimeve të reja përmes spërklave të gojës. Qeveria ka kërkuar mendim për këtë nga ekspertët e OMT (grupi mjekësor-teknik holandez kundër koronavirusit). Nëse më herët propozuan masa drastike kufizuese për periudhën më kritike të epidemisë, ekspertët ende nuk është shprehur për këtë çështje.
Ndeshjet e para me tifozë mund të ishin ato të 4 dhe 7 shtatorit, që do ta shohin kombëtaren portokalli në veprim, duke luajtur për llogari të Ligës së Kombeve, kundër Polonisë dhe Italisë. Për të përcaktuar se cilët tifozë do të jetë në gjendje të zënë vendet e lejuara në stadium, klubet mund të duhet të aplikojnë shortin para çdo ndeshjeje. Vetëm kështu mund të marrin vendime të drejta dhe të pakontestueshme nga ata që do të detyrohen të qëndrojnë në shtëpi.
0 Comments